Отсекогаш не фасцинирале животите на познатите и славни личности, а со тоа се пројавува и интересот да погледнеме во нивните домови, како би биле уверени дека сакаат исти работи како и ние и дека одмараат на ист начин како нас, кога не се пред камери. Па така, секогаш е интересно да се види каков мебел избрале за својот дом, во што се разликува и дали е олицетворение на апсолутен луксуз или е тоа суптилна елеганција. Во втората категорија од претходно наведените, припаѓа и луксузниот дом на славната актерка и добитничка на ОСКАР, Натали Портман. Куќата која се простира на 370м2 и која се наоѓа во местото Монтесито во Калифорнија ја проектираше архитектот Бартон Мајерс.

Со четири спални соби, пет бањи и прекрасна кујна, оваа куќа во близина на Санта Барбара, со својата задна страна во потполност се отвара кон околната, извонредно уредена природа. Уредувањето е изведено во придушена палета на бои со многубројни класични парчиња како што се персиски ќилими, внимателно одбрани декорации и прекрасни парчиња мебел.

Отворениот распоред ги спојува дневниот престој, трпезаријата, кујната и малото катче за дружење во една просторија на која страничниот ѕид е застаклен и може да се отвара во потполност. Иако самото уредување е елегантно и удобно, погледот на Тихи океан е најубавото откровение во куќата за што и самата актерка кажува како може да ужива во него од сите главни простории на куќата.

Исто како и самата внатрешност, ефектно е уредена и околината на куќата и  со дрвениот мебел прави рустикална атмосфера. Посебно ефектен е надворешниот базен изработен од стакло и бетон и вграден во понискиот дел од опкружувањето како би изгледал природно и ненаметливо. Ние го издвојуваме за уживање погледот од некоја од повеќето тераси на овој комплекс

Остави одговор

This site uses Akismet to reduce spam. Learn how your comment data is processed.

error: Содржините на interior.mk се заштитени. За превземање на содржина ве молиме контактирајте не на [email protected]!